ආසියාවේ විශාලතම ගුවන් සංදර්ශනයට නම් දරා සිටින ඉන්දියාවේ “Aero India” ප්‍රදර්ශනය ඉකුත් දා Bengaluru හිදී සාර්ථකව පැවැත්වුණි.
මෙවර එම ප්‍රදර්ශනය සඳහා ඉන්දියාව දේශීය නිෂ්පාදන රැසක් ද ඉදිරිපත් කර තිබුණා.
එහිදී වැඩි අවධානයක් යොමුව තිබුණේ උපාය මාර්ගික ඔත්තු බැලීම් සහ නිරීක්ෂණ කටයුතු සඳහා දේශීයව නිපදවා වැඩිදියුණු කළ ඉන්දියාවේ ප්‍රථම නියමුවන් රහිත ඩ්‍රෝන යානය වන The Tapas – BH යානය ද ප්‍රසිද්ධ ප්‍රදර්ශනය සඳහා යොමු කර තිබීමයි.
මෙම ඩ්‍රෝන යානා මාදිලිය ඉන්දීය ආරක්ෂක පර්යේෂණ සහ සංවර්ධන සංවිධානය විසින් සංවර්ධනය කරන ලද්දක් බව ද වාර්තා වෙයි.
එයට අඩි 28,000 ක් පමණ වන ඉහළ අහසේ පැය 18 කට වඩා වැඩි කාලයක් මෙහෙයුම් කටයුතුවල නිරත විය හැකි බව ද වාර්තා වෙයි.
මේ අතර දේශීයව නිපදවූ තවත් එවැනි තවත් ආයුධ සන්නද්ධ ඩ්‍රෝන යානයක් නුදුරේදීම එළිදැක්වීමට ඉන්දියාව සූදානමින් සිටින බව ද වාර්තා වෙයි.
එළඹෙන ජුනි – ජූලි කාලසීමාව වන විට එහි පළමු පියාසැරි පරීක්ෂණය සිදු කිරීමට නියමිත බව ද විදෙස් වාර්තාවන්හි සඳහන්.
