එංගලන්තයේ පැවැත්වීමට නියමිත ශූරයන්ගේ කුසලාන එක්දින තරගාවලිය අරමුණු කර ගනිමින් ශ්‍රී ලංකා ක්‍රිකට් කණ්ඩායම පල්ලෙකැලේදී පුහුණුවීම් ආරම්භ කර තිබෙනවා.
පුහුණුව අතරතුරදී ශ්‍රී ලංකා ක්‍රිකට් කණ්ඩායම ඊයේ දිනයේ පෙරවරුවේදී මහනුවර දළදා මාළිගාවට පැමිණ දළදා වහන්සේගේ ආශීර්වාද ලබාගෙන තිබෙනවා.
ක්‍රිකට් කණ්ඩායමේ නොයෙක් ආගම් නියෝජනය කරන ක්‍රීඩකයන් සිටියද සියලු දෙනාගේ කැමැත්ත මත රටේ සංස්කෘතියට අනුව දළදා වහන්සේ වැඳපුදා ගැනීම සඳහා පැමිණි බව නියෝජ්‍ය කථානායක හා ශ්‍රී ලංකා ක්‍රිකට් ආයතනයේ සභාපති තිලංග සුමතිපාල මහතා සඳහන් කළා.
මෙවර තරඟාවලිය සඳහා හොඳම කණ්ඩායම නම් කර ඇති බවත්, ඉතිරිව ඇත්තේ කණ්ඩායමේ කාර්ය ඉටුකිරීම බවත් ශ්‍රී ලංකා ක්‍රිකට් කණ්ඩායමේ නායක ඇන්ජලෝ මැතිව්ස් එහිදී පවසා සිටියා.
s
