අපේ රටේ සමහර ක්රිකට් තරුවල වගේම ලොව සුපිරි ක්රිකට් තරුවල කොණ්ඩ විලාසිතා සිදුකරන අපේ රටේම ඉන්න දක්ෂයෙක් තමයි ඉන්ජිත කියන්නේ.
කොළඹ සුපිරි ටාජ් සමුද්‍රා හෝටලයේ තිබූ රමණී ප්‍රනාන්දුගේ රූපලාවන්‍යාගාරයට පැමිණි ඉන්ජිත කාලයක් මෙම ක්ෂේත්‍රයේ සේවය කරලා අත්දැකීම් රැසක් ලබා ගෙන තිබෙනවා.
ඔහුගේ දක්ෂතාවය නිසාම ඔහු සිදු කරන රූපලාවන්‍ය කටයුතු සිදු කර ගැනීමට ලංකාවේ සුපිරි තරුත් ඇවිත් තියෙනවා.
ඇතැම් ක්රිකට් තරුවල නිත්‍ය කොණ්ඩ කපන්නා සහ සත්කාරකයා බවටද මොහු පත් වී හමාරයි.
එංගලන්තයේ ඉයන් මෝර්ගන්, ඇලෙක්ස් හේල්ස්, ඉන්දියාවේ රවී ශාස්ත්රී, පකිස්ථානයේ යුනිස් ඛාන්, අහමඩ් ශේෂාඩ්, ඉන්දියානු ක්රිකට් කණ්ඩායමේ හර්දික් පාන්ඩයා, ලෝකේශ් රාහුල්, බංග්ලාදේශ ක්රිකට් කණ්ඩායමේ මස්තාෆිසර් රහමන් ඇතුළු විදේශීය ක්රිකට් තරු රැසකගේ සිරස දෑතින් අල්ලන්නට, හිසකෙස් හසුරුවන්නට මේ පුංචි බාබර්ට හැකි වූයේ ඒ හැඩකාර වැඩකාර හැකියාව නිසයි. අද කුසල් මෙන්ඩිස්ගේ, දිල්රුවන් පෙරේරාගේ, නිරෝෂන් දික්වැල්ලගේ කොණ්ඩය කපන්නාත් සත්කාරකයාත් ඔහුයි.
