හයිඩ් පාක් පිටිය කියන්නේ ශ්‍රී ලංකා ඉතිහාසයේ දේශපාලන පක්ෂවල බලය උරගා බලන තැනක් කිවුවොත් වැරැද්දක් නෑ. මොකද ලංකාවේ දේශපාලන පක්ෂ මෙන්ම ඇතැම් වෘත්තීය සමිති පවා මෙම පිටිය ඒ අයගේ විරෝධතා රැළි, රැස්වීම් පවත්වන්න යොදාගන්න ගොඩාක්ම කැමැත්තෙන් වෙන්කර ගන්නා නිසා. ඒකට හේතුවක් තමයි කොළඹ තියෙන අනෙක් පිටි හා සැසඳීමේදී මෙය ප්‍රමාණයෙන් තරමක් කුඩා වුවත් ස්ථානීය වශයෙන් ඇති වැදගත්කම. විශේෂයෙන් ඉබ්බන්වල හන්දිය ආශ්‍රිතව මාර්ග අංක කිහිපයකම බස් රථ එහා මෙහා වීමත්, මෙම ස්ථානය පසුකර එදිනෙදා රැකියාවට යන එන විශාල පිරිසක් සිටීමත් කියන කාරණා නිසා. ඒ නිසා මෙම ස්ථානයට විරෝධතා පා ගමන්වලින් පැමි‍ණ අවසානයේ රැස්වීමක් පැවැත්වීමට බොහෝ දේශපාලන පක්ෂ ලොකු උත්සාහයක් ගන්නවා.
කොහොම වුණත් මේ දවස්වල හයිඩ්පිටියේ ප්‍රතිසංස්කරණ කටයුතු සිදුවන බවක්ද දක්නට ලැබෙනවා. මෑතකදී මෙහි ප්‍රතිසංස්කරණ කටයුතු නිමවූ බවක් කියැවුණත් තවමත් එහි යම් යම් ඉදිකිරීම් සිදුවන බවක් මෙම ඡායා රූපවලින් දක්නට ලැබෙනවා. පහතින් එම දසුන් නරඹන්න.
