නිවස පිහිටි ඉඩම ලියා දෙන ලෙස බලකරමින් 80 හැවිරිදි තම මවට රීප්පයක් කැඩෙන තුරු පහර දී නුලකින් ඇගේ ගෙල සිර කළ සැකකාර පුතු ලබන 19 වැනිදා දක්වා රක්‍ෂිත බන්ධනාගාර ගත කරන ලෙස මිනුවන්ගොඩ මහෙස්ත‍්‍රාත් කේසර සී.ඒ. සමරදිවාකර මහතා 27 වැනිදා නියම කළේය.
මිනුවන්ගොඩ උතුරු වැලියේ පදිංචි සුමිත් චන්දන පෙරේරා නමැති 36 හැවිරිදි අවිවාහක සැකකරු මෙසේ රක්‍ෂිත බන්ධනාගාර ගත කෙරුණි.
සැකකරු තම මව නිවස තුළට ගෙන නිවසේ දොර ජනෙල් වසා මවට මෙසේ අමානුෂික ලෙස පහරදී ඇති බවත් මවගේ කෑගැසීම ඇසී පැමිණ ඇති අසල්වැසියන් නිවසේ දොර ගුලූ කඩා මව බේරාගෙන ඇති බවත් පොලිසිය අධිකරණය හමුවේ පැවසීය.
