පාස්කු ප්‍රහාරයට වගකිවයුතු ප්‍රධාන ත්‍රස්තවාදියා වන ජාතික තවුහිද් ජමාත් සංවිධානයේ නායක සහරාන් හෂීම්ගේ ඥාතියකු වන ඔහුගේ බිරිඳගේ වැඩිමල් සහෝදරයා කොළඹ අපරාධ කොට්ඨාශය මගින් අත්අඩංගුවට ගෙන තිබෙනවා.
මොහොමඩ් අබ්දුල් කාදර් වන මොහු කටුපොත ප්‍රදේශයේ දී අත්අඩංගුවට ගෙන තිබෙන බවට පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතා සදහන් කර තිබෙනවා.
මෙලෙස අත්අඩංගුවට ගත් සැකකරු නුවරඑළියේ දී අවි පුහුණුව ලැබූ අයෙක් බවට පොලීසීය පවසනවා. මේ වන විට කොළඹ අපරාධ විමර්ෂන ඒකකය විසින් වැඩිදුර විමර්ෂණ සිදුකරන බවට වාර්තා වෙනවා.
