අත්අඩංගුවට ගෙන තිබූ සැකකරුවකු සමඟ පෑලියගොඩ අපරාධ කොට්ඨාසයේ නිලධාරීන් වේයන්ගොඩ හල්ගම්පිටිය ප්‍රදේශයේ මෙහෙයුමක් සඳහා ගිය අවස්ථාවේදී ඇති වූ සිද්ධියක දී වෙඩි පහරට ලක්ව එම සැකකරු අද(28) අලුයම මියගිය බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පැවසීය.
මියගොස් ඇත්තේ වේයන්ගොඩ බාඳුරාගොඩ පදිංචිව සිටි අපරාධ රැසකට සම්බන්ධ 38 හැවිරිදි පුද්ගලයකි.
එහිදී පොලිස් කොස්තාපල්වරයෙකු ද තුවාල ලබා ගම්පහ රෝහලට ඇතුළත් කළ බව නියෝජ්‍ය පොලිස්පතිවරයා කීය.
වේයන්ගොඩ මාලිගාතැන්න ප්‍රදේශයේදී පුද්ගලයකු එය අත්පා වෙන් වන ආකාරයෙන් කපා මනුෂ්‍ය ඝාතනයක් සිදු කිරීමට තැත් කිරීම චෝදනාව යටතේ ඉකුත් 19 වෙනිදා මෙම සැකකරු අත්අඩංගුවට ගෙන තිබිණි.
