අපේ සෞරග්‍රහ මණ්ඩලයෙන් පිටත පෘථිවියේ සිට ආලෝක වර්ෂ 73 ක් ඇතින් පිහිටි තාරකාවක් වටා කක්ෂගත වන නව ග්‍රහලෝක තුනක් සොයාගෙන ඇති බව විද්‍යාඥයෝ පවසනවා.
ජීවිතයට ආධාර කළ හැකි අසල්වැසි තාරකා වටා නව ලෝක සොයා ගැනීමේ අරමුණින් 2018 දී අභ්‍යවකාශයට යවන ලද නාසාගේ සංක්‍රාන්ති එක්සොප්ලැනට් සමීක්ෂණ චන්ද්‍රිකාව (TESS) භාවිතා කරමින් තමයි මෙම සොයා ගැනීම කරලා තියෙන්නේ.
TOI-270 ලෙස හැඳින්වෙන පද්ධතිය තුළ අපේ පෘථිවියට වඩා තරමක් විශාල පාෂාණමය සුපිරි පෘථිවියක් මෙන්ම වායුමය උප නෙප්චූන් දෙකක් තිබෙන බව ද ඒ්වා දළ වශයෙන් පෘථිවියේ ප්‍රමාණය මෙන් දෙගුණයක් වන බවට විදෙස් මාධ්‍ය වාර්තා කරනවා.
ග්‍රහලෝකයේ මුදුනේ ඇති උෂ්ණත්ව පරාසය යම් ආකාරයක ජීවීන්ට සහාය විය හැකි යැයි විශ්වාස කළත්, වායුගෝලය ඔනවට වඩා ඝනකමකින් යුක්ත යැයි හිතන අතර, එයින් හරිතාගාර ආචරණයක් ඇති කරන බව සඳහන් කරනවා.
කෙසේ වෙතත්, විද්‍යාඥයින් සිතන්නේ TOI-270 d ට වඩා වැඩි ග්‍රහලෝක සඳහා හොඳ අවස්ථාවක් ඇති බවයි.
නේචර් තාරකා විද්‍යාවේ ප්‍රකාශයට පත් කරන ලද මෙම සොයා ගැනීම අපේ සෞරග්‍රහ මණ්ඩලයේ නොමැති “නැතිවූ සම්බන්ධක” ග්‍රහලෝකයක් ගැන පර්යේෂකයන්ට කුතුහලයක් ඇති කර තිබෙනවා.
මෙහිදී අපට පෘථිවිය, බුධ, සිකුරු සහ අඟහරු වැනි කුඩා පාෂාණ ග්‍රහලෝක හෝ සෙනසුරු, බ්‍රහස්පති, යුරේනස් සහ නෙප්චූන් වැනි විශාල වායු ආධිපත්‍ය සහිත ග්‍රහලෝක තිබුණත් ඒවායේ මැද කිසිවක් නැත.
TOI-270 ඉතා ඉක්මනින් පාෂාණමය පෘථිවියට සමාන ග්‍රහලෝක සහ ගෑස් ආධිපත්‍යය ඇති කුඩා නෙප්චූන්ස් අතර ඇති මෙම ‘නැතිවූ සම්බන්ධය’ අධ්‍යයනය කිරීමට ඔවුන්ට ඉඩ සලසයි කියලා ඔවුන් විශ්වාස කරනවා. මොකද මේ සියලු දේම එකම පද්ධතියකින් සෑදී ඇති නිසා බව ඔවුන් පවසනවා.
