කාශ්මීරයේ වෙසෙන කාන්තාවන්ගෙන් බොහෝ පිරිසක් තරුණ මහළු භේද්‍යකින් තොරව තවමත් සාම්ප්‍රදයික සංගීතයට ඇලුම් කරයි.
ඉන් ඇතැමෙක් සාම්ප්‍රදායික සංගීතය හැදෑරීමට පවා යොමුවී සිටින්නේ එබැවින්.
කාශ්මීරයේ ව්‍යවසායිකාවක් වන සානා භාත් ද ස්ටූඩියෝවක් ආරම්භ කරන්නේ ඉන්දියාවේ සාම්ප්‍රදායික සංගීතය ප්‍රචලිත කරවීමේ අරමුණින්.
24 හැවිරිදි සානා භාත්, ඉන් අනතුරුව යූ ටියුබ් නාලිකාවක් ආරම්භ කළ අතර ඒ හරහා සාම්ප්‍රදයික සංගීතයේ අත්දැකිම් රසිකයින්ට ලබාදීමට තීරණය කළා.
ඒ අනුව භාත්, සාම්ප්‍රදායික සංගීත වැඩසටහනක් ද සංවිධාන කළ අතර එය සිය යූ ටියුබ් නාලිකාව හරහා සජීවීව විකාශය කර ඇත.
කලාකරුවන් සහ කලාකාරිනියන් 08 දෙනෙකු සංගිත වැඩසටහන සදහා සහභාගී වූ අතර එම සියලු ගීත නිර්මාණය කර තිබුණේ ද කාශ්මීරයේ ගීත නිර්මාණකරුවන් පිරිසක් විසින්.
කාශ්මීරයට පොහොසත් සංස්කෘතියක් ඇති බව හා ජීවත් වන මිනිසුන්ට විවිධ සංස්කෘතීන් තේරුම් ගැනීමට සංගීතය උපකාරී වන බව ද සානා භාත් සඳහන් කරයි..
