ඉතා ආකර්ශනිය කාශ්මීරය කලාපයේ ඉතිහාසයේ ප්‍රථම වතාවට කීර්තිමත් ජී 20 සමුළුව පැවැත්වීමට සූදානම් වෙමින් සිටී.
මැයි 22 සිට 24 දක්වා ශ්‍රීනගර් හි සුප්‍රසිද්ධ ඩල් ලේක් ඉවුරේ පිහිටි SKICC හි පැවැත්වෙන මෙම උත්සවය කලාපයේ සංචාරක සහ වෙළඳ ක්ෂේත්‍ර කෙරෙහි ධනාත්මක බලපෑමක් ඇති කරනු ඇතැයි අපේක්ෂා කෙරේ.
සම්භාවනීය අමුත්තන් පිළිගැනීම සඳහා ශ්‍රීනගර් නගරය ඉතා දර්ශණිය ලෙස සරසා ඇති අතර, සමුළුව සඳහා සූදානම් කිරීම් ඉතා වේගයෙන් සිදුවෙමින් පවතී.
ඉදිකිරීම් කටයුතු සමඟින් මාර්ග ප්‍රතිසංස්කරණය හා අලුත්වැඩියා කටයුතු වේගවත් ලෙස සිදු කෙරේ.
ප්‍රථම වරට ශ්‍රීනගර් ජාත්‍යන්තර ගුවන් තොටුපළේ සිට SKICC දක්වා පිහිටි බංකර් ද පිටතින් අලංකාර කිරීමේ කටයුතු ද සිදු කෙරේ.
මෙම සමුළුව අමතක නොවන එකක් බවට පත් කිරීම සඳහා සංචාරක කාශ්මීර දෙපාර්තමේන්තුව ද අත්‍යවශ්‍ය විධිවිධාන රාශියක් සම්පාදනය කර ඇත.
G20 සමුළුව ජාත්‍යන්තර වශයෙන් කාශ්මීරය ප්‍රවර්ධනය කිරීමටත්, කාශ්මීරයේ සංචාරක ක්ෂේත්‍රයට නව මානයක් ලබා දීමටත් අපේක්ෂා කෙරේ.
සංචාරක ක්ෂේත්රය ජම්මු සහ කාශ්මීරයේ ආර්ථිකයේ කොඳු නාරටිය වන අතර මේ වසරේ ද වාර්තාගත සංචාරකයින් පිරිසක් කාශ්මීරයට පැමිණෙනු ඇතැයි අපේක්ෂා කෙරේ.
මෙම සමුළුව සංචාරක ක්ෂේත්රය නංවාලීමට සහ එය නව තලයකට රැගෙන යාමට උපකාරී වනු ඇති බවයි බලධාරීන් පවසන්නේ.
