කාන්තා නිලධාරිනියන් ලොව වටා සැරිසැරීම ඉන්දීය නාවික හමුදාවට දැන් අවශ්‍යවී තිබේ.
2022 ගෝල්ඩන් ග්ලෝබ් රේස් තරඟාවලියේ දෙවන ස්ථානය සම්පූර්ණ කළ පළමු ඉන්දියානුවා බවට පත්වෙමින් හිටපු ඉන්දීය නාවික හමුදාපති අභිලාෂ් ටොමි ඉතිහාසගත වීමෙන් අනතුරුව ඉන්දියාවේ එක් බලාපොරොත්තුවක් බවට එය පත්ව තිබේ.
“දැඩි තේරීම් ක්‍රියාවලියකින් පසු, අපි දෙදෙනෙකු කෙටි ලැයිස්තු ගත කළ අතර ඔවුන් පුහුණු අදියරයන් හරහා යමින් සිටි” යැයි ඉන්දීය නාවික හමුදාවේ ජ්‍යෙෂ්ඨ නිලධාරියෙක් පවසා සිටියේය.
එම කාන්තා නිලධාරීන් දෙදෙනා වන්නේ ලුතිනන් කමාන්ඩර් දිල්නා කේ සහ ලුතිනන් කමාන්ඩර් රූපා අලගිරිසාමි ය.
මෙම කාන්තා නිලධාරිනියන් අත්ලාන්තික් සාගරයේ ‘කේප් 2 රියෝ ධාවන තරඟයට’ සහභාගී වූ කාන්තා නිලධාරිනියන් හය දෙනෙකුගෙන් යුත් කණ්ඩායමක සාමාජිකයින් වේ.
ලුතිනන් කමාන්ඩර් දිල්නා කේ ලොජිස්ටික් නිලධාරියෙකු වන අතර ලුතිනන් කමාන්ඩර් රූප අලගිරිසාමි නාවික හමුදා අවි පරීක්‍ෂණ නිලධාරියෙකු ලෙස සේවය කරයි.
මෙම නිලධාරීන් දෙදෙනා යාත්‍රා කිරීම ආරම්භ කළේ මීට වසර දෙකකට පමණ පෙර වන අතර, එම කෙටි කාලය තුළ දෙදෙනාම නාවික සැතපුම් 17,000කට වඩා යාත්‍රා කර තිබීම ඉතා සුවිශේෂි කරුණක් වේ.
ඔවුන්ගේ පුහුණුවේ පළමු කොටස ඔවුන් පසුගිය වසරේ කොචි, විශාකාපට්නම් සහ මොරිෂස් වෙත යාත්‍රා කළ අවස්ථාවේදී සිදු විය.
අත්ලාන්තික් සාගරයේ ගමන් කිරීමේ කොටසක් ලෙස දකුණු අප්‍රිකාවේ කේප් ටවුන් සිට යාත්‍රා කර බ්‍රසීලයේ රියෝ ද ජැනයිරෝ වෙත ගොස් නැවත ගෝවා වෙත පැමිණීමෙන් ඔවුන්ගේ පුහුණුවේ දෙවන කොටස අවසන් විය.
