පවතින ඉන්ධන අර්බුදය විසඳීමට පෙට්‍රල් මෙටි්‍රක්‌ ටොන් 40,000 ක් රැගෙන ‘ලේඩි නෙවරස්කා’ නැව මේ වන විට කොළඹ වරාය වෙත පැමිණෙමින් තිබෙන බව රජයේ ප්‍රකාශකයෙක්‌ ‘දිවයින’ ට කීය.
එම නැව අද (08 දා) රාත්‍රි 11 පමණ වන විට දිවයිනට පැමිණෙනු ඇතැයි ද එය ඊයේ සවස්‌ වන විට කොචි සහ බැංගලෝර් අතර මුහුදේ යාත්‍රා කරමින් තිබූ බව ශ්‍රී ලංකා රජය සැටලයිට්‌ මගින් නිරීක්‍ෂණය කර ඇතැයි ද එම ප්‍රකාශකයා පැවසීය.
උද්ගතව ඇති හදිසි තත්ත්වය මත මේ තෙල් නැව කඩිනමින් ගෙන්වා ගැනීමට රජයේ බලධාරීන් උත්සාහ ගෙන ඇති අතර ඒ අනුව පැමිණීමට නියමිත වේලාවට පැය දෙකකට පමණ පෙර තෙල් නෞකාව ගෙන්වා ගැනීමට හැකිවනු ඇතැයි ද ඒ මහතා වැඩිදුරටත් කියා සිටියේය.
