මෙරට පැවැත්වෙන ප‍්‍රධානතම මැරතන් තරඟාවලියක් වන කොළඹ ජාත්‍යන්තර මැරතන් තරගාවලියට හිටපු ජනාධිපති මහින්ද රාජපක්ෂ මහතාද අද එක්ව තිබෙනවා.
තරගාවලිය අද (04) උදෑසන ආරම්භ වූයේ කොළඹ බෞද්ධාලෝක මාවත අසලින්ය.
ප‍්‍රධාන මැරතන් ධාවන තරගය බොරැල්ල, දෙමටගොඩ, පෑලියගොඩ, වත්තල හරහා හැමිල්ටන් ඇල අසලින් ඇති මාර්ගය ඔස්සේ පමුණුගම හරහා මීගමුව වෙරළ උද්‍යානය අසලින් අවසන් විය.
ඊට එක්ව සිටි දෙස් විදෙස් කී‍්‍රඩක කී‍්‍රඩිකාවන් සංඛ්‍යාව හයදහසකට අධික බව වාර්තාවෙයි.
