දඹුල්ල නගරයේ සංදර්ශනාත්මකව හා භයානක අයුරින් විදුරු කටු කැබලි ගිල දමමින් මුදල් එක්රැස් කරමින් සිටි පුද්ගලයකු 12 වැනිදා දඹුල්ල පොලිසියේ නිලධාරීන් විසින් අල්ලා ගෙනවිත් රෝහල ගත කිරීමෙන් පසු සිදුකරන ලද සැත්කමකින් පසු උදරයේ තිබී ගිලින ලද විදුරු කැබලි විශාල ප‍්‍රමාණයක් ඉවත් කිරීමට කටයුතු කර තිබෙනවා.
මොහමඩ් සාදික් නම්වූ 31 හැවිරිදි පුදගලයෙකුයි මෙලෙස සැත්කමට භාජනය කර ඇත්තේ.
මේ පුද්ගලයා කාලයක් දිවයිනේ විවිධ ප‍්‍රදේශවල සංචාරය කරමින් විදුරු කැබලි ගිල දැමීම පුරුද්දක් වශයෙන් කර ඇති බවත් මීට පෙර අවස්ථා හයකදී මොහුගේ උදරයේ ප‍්‍රදේශයේ සැත්කම්වලට ලක්කර විදුරු කැබලි ඉවත් කර ඇති බව නිරීක්ෂණය කළ බවත් පැවසූ විශේෂඥ වෛද්‍යවරයා තුවාලකරුගේ සෞඛ්‍ය තත්වය යහපත්වූ පසු මානසික රෝග විශේෂඥ වෛද්‍යවරයාට යොමුකරන ලෙසට සඳහන් කර තිබෙනවා.
