එක්සත් ජනපදයේ ඇලස්කාවේ කෝඩියැක් දුපත් ආශ්‍රිතව 7.9 ක ප්‍රබල භූ චලනයක් සිදුවීමෙන් පසු සුනාමි අනතුරු ඇඟවීම් ද නිකුත් කර තිබෙනවා.
ඇමරිකා එක්සත් ජනපදයේ ජාතික කාලගුණ සේවය පවසන්නේ මෙය ඇලස්කාවේ හා බ්රිටිෂ් කොලොම්බියා වෙරළ තීරයට කෙරෙන අනතුරු ඇඟවීමක් බවයි.
මෙම සුනාමි අනතුරු ඇගවීමත් සමග කැනඩාව / අමරිකාවේ බටහිර වෙරළ තීරය ඇතුලු ප්‍රදේශ රැසක වෙරළාශ්‍රිත ජනතාව ඉවත් කර ඇති බවටද විදෙස් මාධ්‍ය වාර්තා කරනවා.
ජනතාවගේ ජංගම දුරකථන වෙත ඇලස්කාවේ කාලගුණ අංශ අනතුරු ඇගවීම් පණිවුඩ යවා ඇති අතර ඒ දුපත්වලින් ඉවත්වන ලෙසට හෝ උස් බිම් ප්‍රදේශවලට යන ලෙසට ජනතාවට දන්වා තිබෙනවා.
මෙම භූ කම්පනය සැතපුම් සියයක පමණ දුරින් පිහිටි ප්‍රදේශවලට ද දැනී ඇති බව සමාජ මාධ්‍ය තුල ජනතාව සටහන් කර තිබෙනන අතර භූ කම්පනයෙන් සිදුවු හානියක් පිළිබඳ මෙතෙක් තොරතුරු වාර්තාවී නැහැ.
tsunami sirens going off in kodiak after the earthquake, i usually only ever hear the weekly siren test at 2pm on wednesdays so hearing it at 1am on tuesday is actually terrifying!! pic.twitter.com/ea5y7U6xnf
— kylie (@scarygirI) January 23, 2018
