හෙළයේ මහා සංගීතඥ සුනිල් සාන්තයන්ගේ ප්‍රධානම ගෝලයෙකු වූ අයිවෝ ඩෙනිස් මහතා ස්නායු ආබාධයක් සඳහා සැත්කමකට ලක්වීමෙන් අනතුරුව මේ වන විට කොළඹ ප්‍රධාන පෙළේ පෞද්ගලික රෝහලක දැඩි සත්කාර ඒකකයේ ප්‍රතිකාර ලබමින් සිටින බව ඔහුගේ පුතු පවසා තිබෙනවා.
සුනිල් සාන්තයන්ගේ මග යමින් එතුමාගේ හඬ නැවත ජීවමාන කළ අයිවෝ ඩෙනිස් දැනට ජීවතුන් අතර සිටින එදා පරපුරේ ප්‍රවීණතම ගායකයෙකි. පසුගිය 31 වැනිදා ඇතිවූ වැටීමක් හේතුවෙන් හිසේ ඇති වූ අභ්‍යන්තර ලේ ගැලීමක් හේතුවෙන් කොළඹ පෞද්ගලික රෝහලකට ඇතුළත් කිරීමෙන් අනතුරුව ශල්යකර්මයකට බඳුන් කළ බවත්, එයින් අනතුරුව නැවත යථා තත්ත්වයට පත්වීම ප්‍රමාද වීම හේතුවෙන් ඒ මහතා එහි දැඩි සත්කාර ඒකකයේ ප්‍රතිකාර සඳහා යොමුකර ඇති බවත් ඔහුගේ පුතු සඳහන් කරනවා.
85 හැවිරිදි අයිවෝ ඩෙනිස් මහතාගේ තත්ත්වය මේ වන විට බරපතළ බවද අපට දැනගන්නට ලැබුණා.
