හිතාගන්නවත් බැරි වෙලාවක හිතාගන්නවත් බැරි විදිහට එන කරදරවලින් ජීවිත පවා අහිමි වුණු සිද්ධි අපිට නිතරම වගේ අහන්න දකින්න ලැබෙනවා.
ඒ විදිහට මහමඟදි ඊයේ සිද්ධවුණු අනතුරක් නිසා තරුණ ජීවිත දෙකක් අකාලයේ නැතිවෙලා තිබුණා.
හබරණ ප්රධාන මාර්ගයේ අවුඩන්ගාව ප්රදේශයේදී මේ අනතුර සිද්ධවෙලා තිබුණේ අනතුරට පත් තරුණයන් දෙදෙනා ගමන් ගත් යතුරපැදිය පොළොන්නරුව සිට කොළඹ බලා සහල් ප්රවාහනය කරමින් තිබු ලොරි රථයක ගැටීමෙනුයි.
මේ අනතුර සිදුවීමත් සමගම යතුරුපැදිය සම්පුර්ණයෙන් කැබලි බවට පත්ව කොටසක් ගිනිගෙන විනාශවී ගොස් තිබූ බවයි වාර්තා වුණේ.
මහමඟදි මාරයාට හසුවුණු මේ තරුණයන් දෙදෙනාට දඹුල්ලේදී වේග සිමා ඉක්මවා ධාවනය කොට දඩ පත්රිකාවක්ද නිකුත් කොට තිබූ බවයි දැනගන්නට ලැබුණේ.
ඒ වගේම සිගිරි පොලිස් බල ප්රදේශයේදී මේ මාරක අනතුර වෙන්න ටික වේලාවකට කළින් මෙම යතුරුපැදිය වේගයෙන් ධාවනය කරද්දී පොලිසිය නවත්වා අවවාද කොට පිටත්කර තිබූ බවටද තොරතුරු වාර්තා වනවා.