කොරෝනා වෛරසයට එරෙහිව සටන් කිරීම සඳහා විදේශ හමුදා අවශ්‍ය නොවන බව ආරක්ෂක ලේකම් මේජර් ජෙනරාල් කමල් ගුණරත්න පවසයි.
කොරෝනා මැඬලීමට ශ්‍රී ලංකාව ඇතුළු රටවල් කිහිපයකට ඉන්දීය හමුදා කණ්ඩායම් ලබාදීමට යන බව ‘ද හින්දු’ පුවත්පත කළ අනාවරණයට ප්‍රතිචාර දක්වමින් ආරක්ෂක ලේකම්වරයා මේ බව සඳහන් කළේය. ශ්‍රී ලංකා හමුදාවට හා පොලිසියට කොරෝනා වෛරසය ඵලදායී ලෙස හැසිරවිය හැකි බවත්, ඉන්දීය හමුදා ශ්‍රී ලංකාවට යෙදවීම ගැන දෙරට අතර කිසිදු සංවාදයක් සිදුනොවූ බවද හෙතෙම සඳහන් කරයි. ශ්‍රී ලංකා හමුදාව මේ වනවිටත් වෛරස තර්ජනය සටනේ එය පාලනයට කටයුතු කිරීමේදී ඔවුන්ගේ වෘත්තීය භාවය පෙන්නුම් කරමින් ඔවුන්ගේ හැකියාවන් ඔප්පු කර ඇති බවත්, එය අනෙකුත් රටවලට ආදර්ශයක් බවත් හෙතෙම අවධාරණය කරයි.
