අමාත්‍යවරුන් රැසකට වාහන මිලදී ගැනීම සඳහා රුපියල් කෝටි ගණනක මුදලක් ඉල්ලමින් පරිපූරක ඇස්තමේන්තුවක් පාර්ලිමේන්තුවට ඉදිරිපත් වූ බව පසුගියදා මාධ්‍ය වාර්තා කළා.
මින් පෙර අවස්ථාවකදීද පාර්ලිමේන්තු මන්ත්‍රීවරුන්ට මෝටර් රථ ලබාදීම සම්බන්ධයෙන් කටයුතු සැලසුම් වූ නමුත් ජනමාධ්‍ය සහ පාර්ලිමේන්තු කටයුතු පිළිබඳ අමාත්‍යංශයේ ලේකම් නිමල් බෝපගේ මහතා එය රජයට අවාසිසහගත බව පවසමින් අදාළ මිලදී ගැනීම් වලට අවශ්‍ය ලිපියකට අත්සන් කිරීම ප්‍රතික්ෂේප කිරීමත් සමඟ එය සමාජයේ දැඩි කතා බහට ලක්වූ කරුණක් වුණා.
මේ දිනවල කතාබහට ලක්වන අමාත්‍යවරුන්ට වාහන මිලදී ගැනීම සම්බන්ධයෙන් නිමල් බෝපගේ මහතාගේ පුත්‍රයා වන කොතලාවල ආරක්ෂක විශ්ව විද්‍යාලයේ නීති ශිෂ්‍යයෙකු වන අරුණලු බෝපගේ සිය ෆේස්බුක් ගිණුම හරහා විසඳුමක් යෝජනා කර තිබෙනවා.
එම ෆේස්බුක් සටහන පහතින්.
