ෆේස්බුක් තුළින් ඇතිවූ සිද්ධීන් නැවත ඇති නොවීමට වගබලාගන්න බව ශ්රී ලංකා එක්දින සහ විස්සයි විස්ස නායක ලසිත් මාලිංග සහ තිසර පෙරේරා ශ්රී ලංකා ක්රිකට් ආයතනය වෙත දැනුම් දී තිබෙනවා.
ලසිත් මාලිංගගේ බිරිඳගේ බවට පැවසෙන ෆේස්බුක් ගිණුමක් හරහා කණ්ඩායමේ ක්රීඩකයෙකු සිය ස්ථානය රැකගැනීම සඳහා ක්රීඩා අමාත්යවරයා හමුවට ගිය බවක් පසුගියදා සඳහන් වීමත් සමග අදාළ සටහනේ නමක් සඳහන් නොවූවත්, පැන්ඩෙකුගේ පින්තූරයක් යොදමින් ‘‘අසරණ පැන්ඩා’’ ලෙස සඳහන් කර තිබුණා.
එහෙත් ඊට පසුදින තිසර පෙරේරාගේ බිරිඳගේ බව පැවසෙන ෆේස්බුක් ගිණුමක ඊට ප්රතිචාර දක්වා තිබුණා.
එමෙන්ම ශ්රී ලංකාව සහ නවසීලන්තය අතර පැවති දෙවන එක්දින තරගයට පෙර තිසර පෙරේරා සිය ෆේස්බුක් ගිණුමේ සටහනක් තබමින් ප්රකාශ කළේ සිය ස්ථානය ආරක්ෂා කරගැනීම සඳහා කිසිවෙකු පසුපස යාමට අවශ්ය නොවන බවයි.